आज म शब्दरचना माझ
नेपाल कोर्दै छु
सुर्य र चन्द्र माझ
शान्ति खोज्दै छु
बर्खे लहराहरु माझ
विकासे झरि खोज्दै छु
हजारौँ भाका माझ
आफ्नै लोक-झ्याउरे भाका रोज्दै छु
सुख-सयलको दुनिया छाडी
आज आफ्नै स्वर्गलोक, मेरो प्यारो देश रोज्दै छु
मिहिनेतको पसिना अलि धेरै बगेपनि
आन्नदित मनको साथ, पाउने दुई छाक रोज्दै छु
चन्द्र र मंगलमा पुग्ने विश्व छाडी
म, विश्वको ताज पहिरेको मेरो देश नेपाल रोज्दैछु
आज म शब्द रचना माझ
मेरो आफ्नै सुन्दर र शान्त देश नेपाल कोर्दै छु।।
